K smjerći Jana Buka
“Credo mojeho dźěła je Łužica ze wšěmi swojimi mjezyzynkami. Při kóždym motiwje, kiž moluju, začuwam serbsce.” (Jan Buk)
Žarujemy wo wuznamneho serbskeho tworjaceho wuměłca, molerja
Jana Buka
2.8.1922 – 1.4.2019
Jan Buk sta so z pućrubarjom noweho časa w serbskim tworjacym wuměłstwje a zwjaza je ze swojim tworjenjom z europskej modernu. Tak pokaza naslědnej młodej generaciji serbskich tworjacych wuměłcow puć z přewšo wuskeho stilistiskeho a tematiskeho nućenja a tradicionelneho molerstwa. Rozestajenje ze zakładnymi prašenjemi molerstwa kaž su to swěca, perspektiwa, barba, struktura a forma bě za Jana Buka bytostne. Serbski muzej wobsedźi najwobšěrnišu zběrku twórbow Jana Buka z něhdźe 80 dźěłami. Su to wolijowe mólby, akwarele, tempery a ručne rysowanki.
Jan Buk 2007 (Foto-J. Matschie)
“Módre sudobja”, tempera, Jan Buk, 2000
Dźěłarnička „škrabanje“, dnja 27.4.2019, wot 10 do 17 hodź.
Štó chce wědźeć, kak so prawe serbske jejko škraba? Wuspytajće so pod nawodom Carole Stauber w tradicionelnej technice škrabanja. Dóstanjeće pokiwy k dźěłu z gratami a k natwarej mustrow.
Dźěłarnička, w kotrejž so wědomje na historiske mustry dźiwa, płaći 10 € na wosobu. Spěchowanski kruh za serbske ludowe wuměłstwo wuhotuje dźěłarničku.
Prosymy wo přizjewjenje pod: foerderkreis@sorben.com; 03591/550 108 abo sekretariat@sorbisches-museum.de; 03591 270 8700.27.4.
Dźěłarnički bosěrowanja a wóskowanja, wot 13 do 17 hodź.
- 13.4.19 (so) Marija Šefrichowa, Ingelore Schönfeld
- 14.4.19 (nj) Beate Pfalz, Ingelore Schönfeld
Wobdźělenje płaći za dorosćenych 6,00 € a za dźěći 3,50 €. Kóždy wobdźělnik dóstanje jejko k debjenju. Kóžde dalše jejko płaći 0,50 €.
K smjerći Jana Buka
“Credo mojeho dźěła je Łužica ze wšěmi swojimi mjezyzynkami. Při kóždym motiwje, kiž moluju, začuwam serbsce.” (Jan Buk)
Žarujemy wo wuznamneho serbskeho tworjaceho wuměłca, molerja
Jana Buka
2.8.1922 – 1.4.2019
Jan Buk sta so z pućrubarjom noweho časa w serbskim tworjacym wuměłstwje a zwjaza je ze swojim tworjenjom z europskej modernu. Tak pokaza naslědnej młodej generaciji serbskich tworjacych wuměłcow puć z přewšo wuskeho stilistiskeho a tematiskeho nućenja a tradicionelneho molerstwa. Rozestajenje ze zakładnymi prašenjemi molerstwa kaž su to swěca, perspektiwa, barba, struktura a forma bě za Jana Buka bytostne.
Serbski muzej wobsedźi najwobšěrnišu zběrku twórbow Jana Buka z něhdźe 80 dźěłami. Su to wolijowe mólby, akwarele, tempery a ručne rysowanki.
Jan Buk, foto Jürgen Maćij, 2007
“Módre sudobja”, tempera, Jan Buk, 2000
Dźěłarnička bosěrowanja a wóskowanja, wot 13 do 17 hodź.
Kónc tydźenja wotměwaja so dźěłarnički debjenja jutrownych jejkow. Zajimcy su wutrobnje přeprošeni.
6.4.19 (so) Andrea Brall
7.4.19 (nj) Silvy Laber
Wobdźělenje płaći za dorosćenych 6,00 € a za dźěći 3,50 €. Kóždy wobdźělnik dóstanje jejko k debjenju. Kóžde dalše jejko płaći 0,50 €.
SORBIAN STREET STYLE – WUBĚDŹOWANJE
SORBIAN STREET STYLE wot 1. februara 2019 do 31. meje 2019
Wubědźowanje SORBIAN STREET STYLE wupisa wot 1. februara Ludowa banka Drježdźany-Budyšin w kooperaciji ze Serbskim muzejom w Budyšinje a ze zarjadnišćom KREATIWNA SAKSKA, Sakskim centrumom za kulturne a kreatiwne hospodarstwo. Namołwjeni su młodźi studowacy modowi designerojo a designerki, wuměłcy a wuměłče, mišterscy šulerjo a šulerki, wosebje w zakónčacych lětnikach kaž tež profesionalnje skutkowacy w starobje mjez 18 do 35 lět. Wubědźowanje je wusměrjene na wuwiće łužiskospecisfiskeho modoweho a tekstilneho designa z hospodarskim potencialom na zakładźe tradicionelnych serbskich regionalnych drastow a łužiskeho ludoweho wuměłstwa, jich charakteristiki, materiala, technikow, barbow, přitřihow a accessoirow. Zapodać móžeja so jednotliwe produkty kaž tež kolekcije wot jednotliwcow abo dźěłowych skupin. Dobyćerjam kiwa nahladne pjenježne myto za produkciju swojich kreacijow a zmóžni so prezentacija we wustajeńcy SORBIAN STREET STYLE a w katalogu wot 22.septembra. Posledni termin wotedaća je 31.meja 2019.
Dalše informacije a download pod:
SorbianStreetStyle_Wubědźowanje
SorbianStreetStyle_Přizjewjenje
Serbski muzej přeje wjele wjesela a wuspěcha!
“Stary lud” so rozžohnuje – 3.3.2019
Poslednje zarjadowanje we wustajeńcy “Stary lud. Ze žiwjenja Łužičanow a Milčanow” w Serbskim muzeju je njedźelu, dnja 3. měrca. Popołdnju w 15.00 hodź. započina so wjedźenje po wustajeńcy w němskej rěči, we 16.00 hodź. přizamknje so serbskorěčne wot kuratorki Andreje Pawlikoweje. Přitomni budu tež zastupjerjo kooperaciskeho partnerja, ze Spěchowanskeho towarstwa domizniskeho muzeja w Děšnje a dźěłoweje skupiny “Stary lud” Kornelius a Petra Kušec, Maxie Heiner a Kai Jensen. Štóž je swójbne zarjadowanje w januaru skomdźił, ma nětkle składnosć, hišće raz stare rjemjesło dožiwić a z wuhotowarjemi wustajeńcy do rozmołwy přińć. Zastup płaći 5 €, potuńšene 3,50 €.
Poskitki w zymskich prózdninach
Ja – wuměłc! Kreatiwnje přeměnjene wuměłstwo
19.2.19 a 28.2.19 10 hodź.
W galeriji wupytaš sej wobraz, kiž potom z mnoho fantaziju přeměniš. Wot A kaž app do Ž kaž žaba- tak nastanje twój moderny abo po počasu interpretowany wobraz.
Stary lud – Dyrdomdej w srjedźowěku
21.2.19 a 26.2.19 10 hodź.
Zeznajemy žiwjenje Łužičanow a Milčanow, kiž so před wjac hač 1000 lětami we Łužicy zasydlichu. Dopomnjenki sej w kožanym měšku sobu domoj wozmjemy.
(material: 1 €)
čas: 1-1,5 h płaćizny: 2,50 € přizjewjenje: tel. 03591/2708700, sekretariat@sorbisches-museum.de
13.2.2019 Workshop – Wodźenje – Přednošk
WORKSHOP
Wot 13 -17 hodź. wotměje so workshop za tkanje z krosničkom a sukanje z jehłu z Petru Kušowej wot dźěłoweje skupiny Stary lud w Dešnje.
WODŹENJE
We 18 hodź. slěduje wodźenje po wosebitej wustajeńcy „Stary lud. Ze žiwjenja Łužičanow a Milčanow“.
PŘEDNOŠK WO WĚRJE STARYCH SŁOWJANOW
W 19 hodź. přednošuje prof. Christian Lübke, direktor Leibnizoweho instituta za stawizny a kulturu wuchodneje Europy (GWZO), Lipsk, w Serbskim muzeju na temu: “Gentilna nabožina – starosłowjanska wěra hladajo na zetkanje z křesćanstwom”. Historikar a slawist je wuběrny znajer słowjanskich srjedźowěkowskich stawiznow a bě projektny nawoda slědźenja „Germania Slavica“, kotrež dokumentowaše słowjanske stawizny na periferiji němskich susodow.
SORBIAN STREET STYLE – WUBĚDŹOWANJE
SORBIAN STREET STYLE wot 1. februara 2019 do 31. meje 2019
Wubědźowanje SORBIAN STREET STYLE wupisa wot 1. februara Ludowa banka Drježdźany-Budyšin w kooperaciji ze Serbskim muzejom w Budyšinje a ze zarjadnišćom KREATIWNA SAKSKA, Sakskim centrumom za kulturne a kreatiwne hospodarstwo. Namołwjeni su młodźi studowacy modowi designerojo a designerki, wuměłcy a wuměłče, mišterscy šulerjo a šulerki, wosebje w zakónčacych lětnikach kaž tež profesionalnje skutkowacy w starobje mjez 18 do 35 lět. Wubědźowanje je wusměrjene na wuwiće łužiskospecisfiskeho modoweho a tekstilneho designa z hospodarskim potencialom na zakładźe tradicionelnych serbskich regionalnych drastow a łužiskeho ludoweho wuměłstwa, jich charakteristiki, materiala, technikow, barbow, přitřihow a accessoirow. Zapodać móžeja so jednotliwe produkty kaž tež kolekcije wot jednotliwcow abo dźěłowych skupin. Dobyćerjam kiwa nahladne pjenježne myto za produkciju swojich kreacijow a zmóžni so prezentacija we wustajeńcy SORBIAN STREET STYLE a w katalogu wot 22.septembra. Posledni termin wotedaća je 31.meja 2019.
Dalše informacije a download pod:
SorbianStreetStyle_Wubědźowanje
SorbianStreetStyle_Přizjewjenje
Serbski muzej přeje wjele wjesela a wuspěcha!
Serbski muzej spěchuje so přez Załožbu za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot zapósłancow Zwjazkoweho sejma, Krajneho sejma Braniborskeje a Sakskeho krajneho sejma, kaž tež přez wokrjes Budyšin a Kulturny rum Hornja Łužica-Delnja Šleska. Serbski muzej je zarjadnišćo wokrjesa Budyšin.
