Monthly Archives: April 2015

Přeprošujemy Was a Wašich přećelow
wutrobnje na wodźenje přez wustajeńcu a filmowy wječor we wobłuku wosebiteje wustajeńcy

KARL VOUK: SATKULA ABO (S)TWOR(JEN)A KRAJINA

srjedu, dnja 27.meje 2015
do Serbskeho muzeja w Budyšinje na Hrodźe.

18 hodź wodźenje přez wustajeńcu
19 hodź pokazuje so film „Rublak – Die Legende vom vermessenen Land” (1982) po powědančku „Mój wuměrjeny kraj” wot Jurja Kocha w njekrótšenej wersiji
režija Konrad Herrmann
zawod k filmej poda kameramuž a režiser Reiner J. Nagel

Wustajeńca je zhromadny projekt Serbskeho muzeja a Załožby za serbski lud.
Zastup 5,00 € / potuńšene 2,50 €

Přeprošujemy Was a Wašich přećelow
wutrobnje na wotewrjenje wosebiteje wustajeńcy

KARL VOUK: SATKULA ABO (S)TWOR(JEN)A KRAJINA

njedźelu, dnja 3.meje 2015 w 15.00 hodź.
do Serbskeho muzeja w Budyšinje na Hrodźe.

Powitanje
Christina Boguszowa, direktorka Serbskeho muzeja

Postrowne słowa
Marko Suchy, direktor Załožby za serbski lud

Zawod do wustajeńcy
Karl Vouk, wuměłc, Celovec / Rinkole, Awstriska

Hudźba
Skupina DeyziDoxs

Wustajeńca je zhromadny projekt Serbskeho muzeja a Załožby za serbski lud.

Wopytowarjo wotewrjenja wustajeńcy dóstanu składnosć potuńšeneho zastupa za poslednje předstajenje dźiwadłoweje hry „Mój wuměrjeny kraj” wot Jurja Kocha w Němsko-Serbskim ludowym dźiwadle dnja 3. meje 2015 w 17.00 hodź.
Zhromadna akcija Serbskeho muzeja z Němsko-Serbskim ludowym dźiwadłom.

Zastup do Serbskeho muzeja darmotny
Płaćizna za potuńšeny zastupny lisćik na předstajenje w NSLDź wot 8,00 €

Sobotu do jutrownički přeprošujetej Serbska rejwanska skupina Ćisk a Serbski muzej na program w 16.00 hodź na žurli Serbskeho muzeja. Serbska rejwanska skupina załoži so 1997. Mjeztym je hižo wjacore razy w dalokim wukraju wustupowała kaž w Texasu a Shanghaiju. Předstaja so tradicionalne reje kaž tež nowše choreografije a wězo tež jutrowne nałožki, kaž chodźenje po jutrownu wodu abo jutrowne spěwanje. Štóž che ludowym wuměłcam w muzejowym kabineće při debjenju jejkow přihladować, ma k tomu składnosć wot 10.00 hač do 18.00 hodź. W jutrownej wustajeńcy da so přehlad wo jutrownych a nalětnich nałožkach w cyłej Europje w přirunanju z Łužicu. Wjeselimy so na Waš wopyt!