14.5.2023 – 22.10.2023

Tute prašenje kóždy z nas znaje. Swět w třiróžku mjez Budyšinom, Kamjencom a Wojerecami je křesćanski, serbski, tradicionelny – abo? Njeje skerje njeměrny kaž Klóšterska woda, kotraž so po płódnej krajinje klóštra Marijineje hwězdy sekluje? Dźensa je wšo indiwiduelniše a bóle pluralistiske hač před sto lětami. Steja stołpy wěra, rěč a tradicionelna zhromadnosć hišće dosć kruće?

Młoda generacija wotkrywa sej swět a so nadźijomnje zaso domoj nawróći k swojim korjenjam, zo by sej “tule statok zboža” stajiła. Pohladajće do pisaneje prismy wustajeńcy “Čej´da sy?”. Pohladajće do pisaneje prismy wustajeńcy “Čej´da sy?”.

22.9.2019 – 1.3.2020

Kak wupada serbska moda?

Kreacije wuspěšnych designerkow a designerow, dobyćerkow a dobyćerjow wubědźowanja SORBIAN STREET STYLE a mnoho idejow kołowokoło mody prezentuja so w tutej wustajeńcy. Na zakładźe elementow serbskeje narodneje drasty a łužiskeho ludoweho wuměłstwa nastachu modiske outfity a kolekcije.

SORBIAN STREET STYLE – zwjazuje tradiciju a inowaciju jako wuraz sebjewědomeje serbskeje a łužiskeje identity.

SORBIAN STREET STYLE – je wubědźowanje a wustajenski projekt Serbskeho muzeja zhromadnje z Ludowej banku Drježdźany-Budyšin z.d. a Sakskim srjedźišćom za kulturne a kreatiwne hospodarstwo KREATIWNA SAKSKA.

K wosebitej wustajeńcy wuńdźe katalog we formje modoweho magacina.

Wšěroki poskitk přewodźacych zarjadowanjemi z dźěćarničkami, wjedźenjemi, přednoškami, filmom, diskusiju, prózdninskim programom a swójbnym popołdnjom skići móžnosć, so wjace króć z načasnu temu rozestajeć.

Flyer SORBIAN STREET STYLE: flyer

PŘECHOD. PREHOD. ÜBERGANG. PŚECHOD 03”

 26.5.2019 – 25.8.2019

Wuměłska wustajeńca wěnuje so interkulturelnje a interdisciplinarnje změnam krajiny a kultury. Wuměłstwo jako nošer idejow spěchuje z tym identifikaciju z wobrazami, přinošuje k tomu, so z temu rozestajeć, změny spóznawać a procesy do prašenja stajić.

Mjezynarodny projekt wuměłcow a wuměłčow, z kulturu tworjacymi, spěchowacymi, wustajowacymi a přeslědźowacymi institucijemi zwjazuje  Němsku, Rakusku a Słowjensku.

Zarjadowanja přewodźaceho programa wosebiteje wustajeńcy wopřijeja wobłuki wizuelneho wuměłstwa, literaturu a hudźbu.

19.08.2018 – 14.10.2018

Kurator: Christina Boguszowa

Publikationen: Dźěl wote mnje, Skulptury a klanki Reginy Herrmann / Ein Teil von mir – Skulpturen und Puppen von Regina Herrmann